Driseog

Rubus fruticosus

Bramble; Blackberry Bush

Tosaíonn duilleoga nua ag teacht ar an Dris san Earrach. Titeann formhór na nduilleoga den phlanda seo sa bhfómhar, ach maolaíonn dathanna éagsúla na nduilleoga atá fágtha gruaim an gheimhridh. Feictear bláth ar chorr-dhris sa ngeimhreadh freisin, ach ní thagann toradh aibí orthu.

Ceaptar go bhfuil go leor speiceas éagsúla de dhris ann, agus gur comhbhailiú speicis atá i Rubus fruticosus. B’fhéidir gur b’shin an fáth go bhfuil blasanna difriúla ar sméara dubha ó sceacha éagsúla sa bhFómhar.

Is iad an dris agus raithneach na chéad phlandaí móra a dhéanann ionradh ar gharraí féir atá dímhaoin i gCois Fharraige. Plúchann siad plandaí eile, ach ní léir go gcuireann siad isteach ar a chéile.