You are currently viewing An Biolar

An Biolar

Dath Bláth:
Cineál Planda: ,
Fine:
Gnáthóg: ,
Faoi Bhláth:
Stádas:
Inite?: ,

Biolar Uisce

Nasturtium officinale

Water-cress

Tá an Biolar (Nasturtium officinale), nó an Biolar Uisce, faoi bhláth sa samhradh i ndreantacha agus i dtobair Chois Fharraige. Taitníonn talamh bhog, fhliuch leis an bpraiseach (brassica) seo.

Is planda inite, idir dhuilleoga agus gasanna, an Biolar (ach ní mholtar seo mar d’fhéadfadh truailliú a bheith san uisce ina bhfásann sé) agus bhí meas ar an bplanda mar chógas leighis freisin ar feadh na céadta bliain. In ainneoin an ainm Laidine, níl gaol ag an mBiolar leis an bplanda eile inite sin ar a dtugtar an Nasturtium.

Fásann an Biolar go tréan sna coinníollacha cearta, agus is féidir sruthchúrsa na ndraentacha agus na sruthán ina bhfásann sé a leanacht ag úsáid na bláthanna bána mar threoir.

Tá an Biolar i gcuid de na pictiúirí thíos ag fás i sean tobar i gCois Fharraige.