Artemisia maritima

Sea Wormwood

Feictear dhom nach bhfuil mórán plandaí neamhchoitianta, nó uathúil, i gCois Fharraige (in ainneoin go bhfuil éagsúlacht suntasach flóra ann). Ach sílim nach bhfuil Liath na Trá  (Artemesia maritima), planda beag cósta, chomh coitianta sin in Éirinn. Níl feicthe agam ach grúpa amháin de na plandaí seo ar fud chósta Chois Fharraige.

Deir www.irishwildflowers.ie go bhfuil sé ‘rare’.

Breathnaíonn Liath na Trá cosúil leis an léicean, Eabhar Mara (Ramalina), atá flúirseach anois ar na carraigeacha cósta, agus is ní thabharfá suntas gur planda difriúil é mura mbeifeá in aice leis.

Is ilbhliantóg é, agus feicim go bhfuil an planda céanna ag teacht ar ais bliain i ndiaidh bliana san áit chéanna, in ainneoin na stoirmeacha geimhridh a bhíonn ag réabadh an chladaigh (bíonn an planda clúdaithe ag an bhfarraige ag lán mhara).